原捻著帝女花呢亭老土嘢, 膜拜下, 又係森哥JOHN WOO的傑作, 又任白戲寶, 重由得意高足演出, 著住戲服係布景入面唱念做打, 話係悲情戲, 感動程度有限, 點知藝術…藝術的影響力感染力非同小可, 睇到高潮位, 香夭唱段, 首曲聽過無數次, 鳳冠霞披, 假樹畫月, 似乎好難入戲, 但當兩主角唱到動情處, 同生共死…我發(fā)覺我嘅眼淚都係流咗落來……我并非粵劇迷, 對帝女花一曲(即香夭)好喜歡, 平時聽感戚然, 但不會淚流, 相信係大銀幕嘅魅力導演功力演員實力合力之功, 雖被評不如師傅版本, 依然可稱傳奇, 金獅獎得主可不只憑無盡彈藥, 調度運鏡剪接大大升華情感, 希望吳先生早點拍到佢一直想拍的歌舞片.電影<<帝女花>>是1976年重拍, 龍劍笙和梅雪詩兩位名伶風華正茂, 梁醒波波叔丑生王喜劇泰斗(加多幾個都不為過)老當益壯, 靚次伯老生王老而彌堅, 已故唐滌生先生的劇本, 任白兩北斗監(jiān)制, 臺前幕後高手云集無得輸, 今次用較大廠景拍攝, 不須限死舞臺, 鏡位靈活, 用上近鏡特寫, 演員演繹更為傳神.有一點係不太能接受, 靚次伯大老倌一人分飾崇禎和清帝, 應是舞臺演出已是這般的, 老生王可不是浪得虛名, 他擔綱多段重戲係戲迷之福, 他演出其實毫無破綻, 但公主上一場尚和他生離死別, 下一場與他針鋒相對, 我免不了有騎呢之感, 對前輩真是不敬.希望早日睇到任白唐巔峰作<<蝶影紅梨記>>, 還是李鐵大導演執(zhí)導的.